«Пад рознымі маркамі і рознымі спосабамі спрабуюць патрапіць у дамы і кватэры людзей»
11- 16.01.2021, 19:38
- 29,468
Менчукі абураныя дзеяннямі карнікаў.
Так званая «міліцыя» тэрарызуе цэлыя раёны. Спрабуюць трапіць у кватэры, ускрываюць паштовыя скрыні, падманам трапляюць у пад'езд, прыкрыўшыся кур'ерам, выключаюць людзям святло, піша тэлеграм-канал «Баста».
- Ужо пяты дзень супрацоўнікі карных органаў спрабуюць шукаць жыхароў Новай Баравой. Імкнуцца перапісаць, дзе хто жыве. Каб потым было зручна людзей тэрарызаваць.
На розных падставах і рознымі спосабамі спрабуюць патрапіць у дамы і кватэры людзей.
Выключэнне святла, калі ўдалося трапіць у тамбур; дастаўка піцы, новы ўчастковы - пазнаёміцца і іншыя казкі.
А проста цяпер аблаву з допытам усіх, хто ўваходзіць і выходзіць на вуліцы Авіяцыйная зладзілі.
Дапытваюць, хто жыве, які аўтамабіль, нумар, ці ёсць у аўто відэарэгістратар.
Дастаюць квітанцыі і звяраюць іх са спісамі.