Байдэн вылучыў на пасады ў Дзярждэп ЗША шэраг дыпламатаў часоў Абамы
5- 16.01.2021, 17:40
- 14,092
Паводле інфармацыі крыніц у камандзе абранага прэзідэнта ЗША, санкцыі будуць выкарыстоўвацца вастрэй.
Абраны прэзідэнт Джозэф Байдэн высунуў шэраг былых дыпламатаў часоў прэзідэнцтве Барака Абамы на пасады ва Дзярждэпартаменце ЗША. Сярод іх - экс-памочніца дзяржсакратара Вікторыя Нуланд. Пра гэта піша Associated Press (пераклад - liga.net).
Паведамляецца, што Нуланд зойме пасаду намесніцы ў палітычных пытаннях дзяржсакратара Энтані Блінкена.
Акрамя яе, намесніцай Блінкена прызначаная Вэндзі Шэрман, якая раней ужо працавала намесніцай дзяржсакратара і была вядучай ўдзельніцай перамоў аб пагадненні з Іранам у часы прэзідэнцтва Абамы.
Таксама Байдэн прызначыць у Дзярждэпартамэнт свайго даўняга памочніка ў Сенаце Браяна МакКеана, былых высокапастаўленых дыпламатаў Боні Джэнкінс і Узру Зею, Дэрэка Чола, Салмана Ахмеда і Сьюзэн Джордж, адзначае AP.
23 лістапада паведамлялася, што Энтані Блінкен будзе вылучаны кандыдатам на пасаду кіраўніка Дзярждэпартамента ЗША пры адміністрацыі Байдэна.
Паводле інфармацыі крыніц у камандзе Байдэна, санкцыі застануцца цэнтральным інструментам улады ЗША пры дэмакратыі, аднак ён пачне «перазагрузку»" падыходу Дональда Трампа і будзе выкарыстоўваць санкцыі «вастрэй».