Памёр кіраўнік групы Ротшыльдаў

Барону Бэнджаміну дэ Ротшыльду было 57 гадоў.

Французскі банкір барон Бэнджамін дэ Ротшыльд, які ўзначальваў групу Эдмана дэ Ротшыльда, памёр у Швайцарыі ва ўзросце 57 гадоў.

Пра гэта гаворыцца ў паведамленні сям'і, піша Le Parisien.

«Арыян дэ Ротшыльд і яе дочкі з вялікім сумам паведамляюць пра смерць мужа і бацькі Бэнджаміна дэ Ротшыльда», - цытуе агенцтва заяву сям'і, у якой тлумачыцца, што прычынай смерці банкіра стаў сардэчны прыступ. Ён памёр 15 студзеня ў сваім памесці ў швайцарскай Прэньі.

Дэ Ротшыльд нарадзіўся ў 1963 году ў французскім Нёі-сюр-Сене ў сям'і Эдмана дэ Ротшыльда, чальца французскай галіны фінансавай дынастыі Ротшыльдаў. Бэнджамін з 1997 года быў старшынём рады дырэктараў Edmond de Rothschild Holding, якая кіруе групай Edmond de Rothschild і спецыялізуецца на прыватных банкаўскіх паслугах і кіраванні актывамі. Паводле звестак AFP, кошт актываў групы складае блізу €160 млрд.