29 сакавiка 2024, Пятніца, 2:36
Падтрымайце
сайт
Сім сім,
Хартыя 97!
Рубрыкі

Кіраўнік дыпмісіі ЗША высунуў жорсткія патрабаванні МЗС Беларусі

10
Кіраўнік дыпмісіі ЗША высунуў жорсткія патрабаванні МЗС Беларусі

Вызваленне ўсіх палітвязняў мае крытычна важнае значэнне для будучых стасункаў паміж краінамі.

Злучаныя Штаты Амерыкі заклапочаныя сітуацыяй з правамі чалавека ў Беларусі, заявіў павераны ў справах ЗША ў Беларусі Джэфры Джук на сустрэчы з намеснікам міністра замежных справаў Сяргеем Алейнікам, паведамляе прэс-служба амерыканскай дыпмісіі.

«Падчас гутаркі бакі абмеркавалі стан двухбаковых стасункаў і заклапочанасць ЗША сітуацыяй з правамі чалавека Беларусі, – гаворыцца ў паведамленні. – Сярод іншага, павераны Джук падкрэсліў неабходнасць вызвалення былога намесніка дырэктара агенцтва БелаПАН Андрэя Аляксандрава і ўсіх іншых палітычных зняволеных, паколькі гэтае пытанне мае крытычна важнае значэнне для будучыні двухбаковых стасункаў Беларусі і ЗША».

МЗС Беларусі, паведамляючы пра гэтую сустрэчу, адзначыла толькі, што бакі «абмеркавалі актуальны стан беларуска-амерыканскіх стасункаў».

Андрэй Аляксандраў быў затрыманы 12 студзеня як падазраваны паводле справы, распачатай паводле арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).

14 студзеня ў офісе БелаПАН, дзе Аляксандраў у 2014–2018 гадах працаваў намеснікам дырэктара, прайшоў ператрус. Канфіскаваная частка тэхнікі і носьбітаў інфармацыі. У пастанове на ператрус таксама фігураваў арт. 293 КК (масавыя беспарадкі).

15 студзеня ў дачыненні да журналіста быў абраны захад стрымання ў выглядзе змяшчэння пад варту на два месяцы

З заявамі з нагоды затрымання Аляксандрава і прадаўжэння пераследу беларускіх незалежных СМІ 15 студзеня выступіла Еўрапейская федэрацыя журналістаў (EFJ).

«Арышт [журналіста] Андрэя Аляксандрава на гэтым тыдні і ўчорашні рэйд на інфармацыйнае агенцтва БелаПАН у пошуках сумнеўных апраўданняў ягонага арышту з'яўляюцца яшчэ адным сведчаннем таго, што ўлады па-ранейшаму схільныя маніпуляваць законам у сваіх палітычных мэтах, – падкрэсліваецца ў заяве амбасады ЗША. – Мы зноў заклікаем улады Беларусі да абароны і забеспячэння асноўных свабодаў, у першую чаргу свабоды сходаў, слова і друку. Беларускі народ заслугоўвае лепшай будучыні».

Напісаць каментар 10

Таксама сачыце за акаўнтамі Charter97.org у сацыяльных сетках