Афіцыйна: Латвія прапанавала IIHF правесці ўсе матчы ЧС-2021 у Рызе
22- 15.01.2021, 20:29
- 27,345
Канчатковая пастанова па турніры будзе прынятая ўжо ў канцы студзеня.
Прэзідэнт ІІХФ Ранэ Фазель паведаміў, што Латвійская хакейная асацыяцыя гатова правесці ўсе матчы ЧС-2021 у Рызе, піша «Трибуна».
Турнір павінен быў прайсці ў Менску і Рызе з 21 траўня да 6 чэрвеня.
Раней розныя арганізацыі заклікалі IIHF перанесці чэмпіянат свету з Менска праз палітычную сітуацыю ў Беларусі.
«Мы атрымалі прапанову ад Латвіі. Яны сказалі, што гатовыя прыняць 16 каманд на дзвюх арэнах у Рызе.
Думаю, што на працягу 5-10 дзён будзе пастанова што да Менску. Нам трэба яшчэ правесці некалькі сустрэч. Калі мы скасуем Менск, то, можа быць, іншыя федэрацыі выйдуць на нас з прапановай, гэта таксама магчыма», - сказаў Фазель.
Канчатковае рашэнне аб правядзенні турніру павінна быць прынятае на нарадзе IIHF, якая запланаваная на канец студзеня.
Раней Фазэль паведаміў, што арганізацыя атрымала прапанову ад Дацкага хакейнага звязу і вядзе перамовы з Федэрацыяй хакея Славакіі.