У Курапатах затрымалі Змітра Дашкевіча
6- 15.01.2021, 18:23
- 14,349
Разам з ім затрыманы яшчэ адзін актывіст Курапацкай вахты.
У Курапатах каля рэстарана «Поедем поедим» 15 студзеня затрымалі Змітра Дашкевіча. Пра гэта tut.by паведаміла ягоная жонка Наста Дашкевіч.
– Зміцер затрыманы на Курапацкай варце, разам з ім забралі яшчэ аднаго хлопца. Хто затрымаў і чаму, мы не ведаем, – расказала Наста.
Нагадаем, у чэрвені 2018 года за 50 метраў ад афіцыйна прызнанай мяжы масавага пахавання ахвяраў сталінскіх рэпрэсій у Курапатах адчыніўся рэстаранны комплекс «Поедем поедим».
За некалькі дзён да гэтага актывісты, апазіцыйныя палітыкі, грамадскія дзеячы сталі выходзіць на акцыі супраць адкрыцця. Але рэстаран усё роўна запрацаваў, а пікеты ля рэстарана прадаўжаюцца да гэтага часу. Зміцер Дашкевіч – адзін з нямногіх, хто выходзіць на Курапацкую вахту ўжо чацвёрты год.