ЗША ўзмацнілі кантроль за карыснымі для разведак Расеі і КНР тэхналогіямі

Міністэрства гандлю ЗША ўвяло дадатковы кантроль над амерыканскімі тэхналогіямі.

Міністэрства гандлю ЗША ўвяло дадатковы кантроль над амерыканскімі тэхналогіямі, якія могуць пайсці на карысць вайсковым разведкам Расеі, Кітая, Кубы, Ірана і Венесуэлы, паведамляе svoboda.org.

Кіраўнік Мінгандлю Злучаных Штатаў Уілбур Рос, між іншым, падкрэсліў, што новыя меры не дазволяць выведцы Кітая і расейскаму ГРУ выкарыстоўваць амерыканскія распрацоўкі і паслугі для шпіянажу, збору звестак і іншай дзейнасці, якая супярэчыць інтарэсам нацыянальнай бяспекі ЗША.

Міністэрства таксама перагледзіць захады кантролю за канчатковым выкарыстаннем хімічнай і біялагічнай зброі, ракетных сістэм і беспілотнікаў.

Рашэнне ўваходзіць у дзеянне ў сакавіку 2021 года. Апроч іншага яно закране вайсковыя выведкі Паўночнай Карэі і Сірыі.