Telegram выйшаў на другое месца ў карыстанні ў ЗША

Што паўплывала на рост папулярнасці мэсэнджара?

Мэсэнджар Telegram стаў другім у карыстанні дадаткам у ЗША, пасля таго як Twitter назаўжды заблакаваў старонку дзейнага прэзідэнта Дональда Трампа, а Apple і Google выдалілі з крамаў прыкладанняў папулярную ў яго прыхільнікаў сацсетку Parler. Пра гэта паведамляе РБК са спасылкай на газету The Telegraph.

Паводле звестак выдання, за тыдзень з 6 студзеня Telegram у ЗША спампавалі блізу 545 тысяч разоў, што амаль утрая больш, чым тыднем раней. Акрамя блакаванняў старонак, звязаных з Трампам, на рост папулярнасці Telegram таксама магло паўплываць змена палітыкі прыватнасці іншага папулярнага мэсэнджара - WhatsApp. 8 студзеня адміністрацыя апошняга абвясціла аб тым, што персанальныя звесткі карыстальнікаў прыкладання WhatsApp падаюцца ў распараджэнне ўсіх сямействаў прыкладанняў Facebook.

Выданне звярнулася па каментар да заснавальніку Telegram Паўла Дурава, на момант выхаду матэрыялу ён не адказаў на запыт.

Дураў пасля змены палітыкі прыватнасці WhatsApp заявіў аб паскарэнні «ўцёкаў» карыстальнікаў у Telegram. З ягоных слоў, адначасова з гэтым з'явіліся платныя боты, якія пачалі публікаваць хлусню аб Telegram і «прадузятую інфармацыю» пра WhatsApp.

Заснавальнік Telegram таксама пракаментаваў выдаленне сацсеткі Parler, якую выкарыстоўвалі прыхільнікі Трампа, з крамаў App Store і Google Play. Apple і Google абвінавацілі яе ў адсутнасці мадэрацыі і распаўсюдзе «пагроз грамадскай бяспецы».

«Apple і Google ўяўляюць значна большую праблему для свабоды, чым Twitter. Apple з'яўляецца найбольш небяспечнай з гэтых дзвюх, бо яна можа цалкам абмежаваць ваш доступ да прыкладанняў», - мяркуе Дураў. Каб «захаваць доступ да свабоднай інфармацыі», ён заклікаў карыстальнікаў пераходзіць з iOS на Android, на якой можна ўсталёўваць уласныя прыкладанні праз apk-файлы. Са слоў заснавальніка Telegram, каманда мэсэнджара працуе над стварэннем вэб-версіі прыкладання для браўзэра Safari.