Як Ізраіль першым у свеце выходзіць з каранакрызіса
6- 11.01.2021, 16:40
- 20,034
Краіна ў 100 разоў апярэджвае сярэднія паказчыкі ў свеце.
Прэм'ер-міністр Ізраіля Біньямін Нетаньяху апублікаваў у «Фэйсбуку» відэа пра тое, як Ізраіль першым у свеце выходзіць з каранакрызіса. Пра гэта паведамляе «Обозреватель».
- Я бачу, як гэтыя самалёты прызямляюцца адзін за адным, поўныя надзеі і добрай весткі, поўныя аптымізму. Мільёны порцый вакцыны, аб пастаўках якой я дамовіўся з маім сябрам Альбертам Бурлам, гендырэктарам Pfizer, каб вывесці Ізраіль першым у свеце з крызісу каранавіруса, - кажа прэм'ер-міністр Ізраіля.
Мы ў 100 разоў апярэджваем сярэднія паказчыкі ў свеце. Усе дзівяцца, як маленькі Ізраіль гэта робіць. У нас атрымліваецца, бо ў нас ёсць рашучасць і нахабства і ў нас ёсць цудоўны медыцынскі персанал, які прыходзіць раніцай са шпрыцам у зубах і бярэцца на працу.
І ў нас ёсць вы, грамадзяне Ізраіля. Ваша спагадлівасць і неймаверная ўзаемадапамога, ва ўсіх без выключэння, ва ўсіх частках краіны. Дзякуй вам!
Я вельмі ганаруся быць вашым прэм'ер-міністрам.