У Беларусі афіцыйна ўвялі новы транспартны падатак
50- 1.01.2021, 14:43
- 60,381
Пастанова пачынае дзеянне сёння, 1 студзеня.
У Беларусі з 1 студзеня скасоўваецца дзяржмыта за выдачу дазволу на допуск транспартнага сродку да ўдзелу ў дарожным руху – цяпер замест яе будзе транспартны падатак. Гэта прадугледжана законам «Аб змяненні Падатковага кодэкса», які быў апублікаваны сёння на Нацыянальным прававым інтэрнэт-партале.
Пастанова аб транспартным падатку пачынае дзеянне сёння, 1 студзеня.
Плаціць будуць усе. Тлумачым, як будзе працаваць новая версія «дарожнага падатку»
У Беларусі з 1 студзеня замест дзяржмыты за выдачу дазволу на допуск транспартнага сродку да ўдзелу ў дарожным руху ўводзіцца транспартны падатак. Яго будуць выплачваць усе ўласнікі транспартных сродкаў, зарэгістраваных у базе ДАІ МУС.
Стаўкі падатку ў параўнанні з дзяржмытай знізяцца. Памер транспартнага падатку для фізічных асобаў будзе залежаць ад вагі і ўзросту машыны:
За аўтамабіль масай да 1,5 тоны стаўка падатку – 61 рубель;
больш за 1,5 тоны, але не больш за 1,75 тоны – 81 рубель;
больш за 1,75 тоны, але не больш за 2 тоны – 102 рублі;
больш за 2 тоны, але не больш за 2,25 тоны – 122 рублі;
больш за 2,25 тоны, але не больш за 2,5 тоны – 142 рублі;
больш за 2,5 тоны, але не больш за 3 тоны – 162 рублі;
больш за 3 тоны – 223 рублі;
матацыкл – 41 рубель.
Прадугледжаны льготы: стаўкі падатку для пенсіянераў знізяць на 50%, для інвалідаў III групы – на 25%. Акрамя таго, органы мясцовага кіравання і самакіравання змогуць поўнасцю або часткова вызваляць ад транспартнага падатку фізічных асобаў, якія знаходзяцца ў цяжкай жыццёвай сітуацыі.
Вызваляюцца ад выплаты падатку ўладальнікі электрамабіляў, а таксама ўладальнікі аўтамабіляў, зарэгістраваных да 1 студзеня 1992 года.