Галоўны трэнер юнацкай нацыянальнай каманды Беларусі ў хакеі падпісаў петыцыю супраць гвалту і за сумленныя выбары
2- 7.09.2020, 18:21
- 25,585
Подпіс пад заявай паставілі больш за 500 чалавек.
Галоўны трэнер юнацкай нацыянальнай каманды Беларусі Аляксандр Румо падпісаў петыцыю супраць гвалту і за сумленныя выбары, паведамляе «Трибуна».
Нагадаем, спартыўная грамадскасць выступіла з патрабаванні да ўлады:
1. Прызнаць мінулыя 9 жніўня 2020 года выбары прэзідэнта Рэспублікі Беларусь несапраўднымі з прычыны шматлікіх фактаў фальсіфікацый і ціску на выбарчыя камісіі. Патрабуем правесці паўторныя выбары прэзідэнта Рэспублікі Беларусь у адпаведнасці з усімі міжнароднымі стандартамі, а таксама адстаўку дзейнага складу ЦВК з прыцягненнем да прадугледжанай заканадаўствам адказнасці.
2. Вызваліць усіх грамадзян, затрыманых падчас дэманстрацый, якія не маюць дачынення да супрацьпраўнай дзейнасці.
3. Вызваліць і рэабілітаваць усіх палітычных зняволеных.
4. Спыніць супрацьпраўную дзейнасць супрацоўнікаў праваахоўных органаў і правесці праверкі законнасці іх дзеянняў з моманту збору подпісаў для вылучэння ў кандыдаты ў прэзідэнты Рэспублікі Беларусь.
5. Выявіць і пакараць вінаватых у збіцці і зверскіх здзеках з грамадзян, затрыманых падчас мірных дэманстрацый. Кіраўнікі сілавых структур, адказных за гвалт, павінны падаць у адстаўку.
6. Надаць паўнавартасную медыцынскую, псіхалагічную, прававую і матэрыяльную дапамогу ўсім пацярпелым ад неправамерных дзеянняў прадстаўнікоў сілавых структур.
Подпіс пад заявай паставілі больш за 500 чалавек.