Украіна вызначылася, як будзе называць Лукашэнку
37- 30.09.2020, 12:12
- 76,023
З'явілася афіцыйная пазіцыя.
Украіна плануе называць Лукашэнку толькі па імені. Як паведамляе карэспандэнт "Еўрапейскай праўды", гэта вынікае з каментарыя міністра замежных спраў Дзмітрыя Кулебы.
Журналісты спыталі, як Украіна будзе называць Лукашэнку - "незаконна абраным", "нелегітымным" і г.д., паколькі перад гэтым МЗС заявіў, што таемная "інаўгурацыя" Лукашэнкі не азначае ягонага прызнання легітымным прэзідэнтам.
"Гэта выдатныя фармулёўкі для медый і Фэйсбуку. Афіцыйная пазіцыя - Аляксандр Лукашэнка", - адказаў Дзмітрый Кулеба.
Нагадаем, 23 верасня Аляксандр Лукашэнка таемна правёў цырымонію інаўгурацыі. Пасля гэтага беларуская апазіцыя заклікала да бестэрміновай акцыі пратэсту Лукашэнкі.