IT-фронт Беларусі апублікаваў бескампрамісны маніфест

Праграмісты – з народам.

На сайце belarusit.duckdns.org з'явіўся маніфест беларускага IT-фронту. Паглядзіце, чаго хочуць і што будуць рабіць дзеля сваёй мэты айцішнікі.

«Хто мы: Мы – дэцэнтралізаваная супольнасць прафесіяналаў у галіне ІТ. Разам мы – сіла, якая змагаецца за справядлівасць.

Нашы мэты: Адхіленне ад улады чыноўнікаў, якія не хочуць чуць голас народа і служыць інтарэсам Рэспублікі Беларусь.

Нашы шляхі дасягнення: Пранікненне ў закрытыя дзяржаўныя ІТ-сістэмы. Пошук матэрыялаў, якія закранаюць інтарэсы чыноўнікаў і сілавых установаў, і публічнае раскрыццё іх.

Нашы матывы: Прага волі і справядлівасці. Мы, як і мільёны іншых беларусаў, не хочам стаяць у баку цяперашняга крызісу. Мы гатовыя змагацца на сваім «полі бою», дзе мы маем бязмежныя магчымасці.

Нашы прынцыпы: Мы не прагнем помсты, але выбіраем тыя ж шляхі барацьбы, якія выкарыстоўваюцца супраць нас. Мы не ідзем на саступкі і кампрамісы, пакуль нашы патрабаванні не будуць выкананыя на 100%. Мы слухаем і чуем волю народа і чэсна абранай прэзідэнткі – Святланы Ціханоўскай.

У чым наша сіла: Наша сіла ў сумленнасці, у вынаходлівасці, у досведзе і падтрымцы нашых дзеянняў людзьмі цвярозага розуму.

Традыцыйна ІТ з'яўлялася лакаматывам Беларусі, які развіваўся ў баку ад ідэалогіі дзяржавы. Менавіта гэты шлях і дазволіў стаць Беларусі ІТ-краінай. Надышоў той момант, калі ІТ павінна выявіць салідарнасць з народам і ўжыць усе веды і ўменні, якія назапашваліся гадамі для вядзення бізнэсу ў РБ, на ўсе галіны шляхам трансфармацыі ўсяго дзяржаўнага кіравання. ІТ – гэта наша поле бітвы і гэта нашы правілы. Мы, ІТ-супольнасць, звыкліся жыць у адкрытым свеце і прыносіць карысць.

Апошнія дні мы знаходзімся ў няспынным стрэсе і [сутыкаемся з] немагчымасцю выконваць сваю працу праз беспрэцэдэнтныя рэпрэсіі, якія абрынуліся на ІТ-супольнасць Беларусі. Мы шчыра выконваем сваю працу, плацім падаткі і хочам, каб урад, як вылучэнцы ад народа, сумленна выконваў сваю.

Шлях развязання праблемы, які абраў экс-урад РБ, вядзе краіну да дна, знішчаючы імідж і ўвесь падмурак, які збіраўся ІТ крупінкамі. Мы не можам больш бяздзейнічаць і, калі экс-прэзідэнт страціў кантроль над тым, што адбываецца ў краіне – мы прымаем спробу ўзяць кантроль у свае рукі!

ІТ-Беларусь з Народам!»