«Што хочаце можа стаць падставай для новага стыхійнага выбуху»
6- 29.09.2020, 10:02
- 30,207
Узурпатар не зрабіў ніякіх высноў з сітуацыі ў краіне.
Адзіны кандыдат ад апазіцыі на прэзідэнцкіх выбараў-2001 Уладзімір Ганчарык у каментары udf.by ацаніў пратэстныя акцыі апошніх дзён у Беларусі.
«Людзі засталіся пры сваім меркаванні, яны перакананыя, што выбары сфальсіфікаваныя, што кіраўнік краіны вядзе сябе няправільна і неадэкватна», - сказаў Ганчарык.
На ягоную думку, апошнім часам Лукашэнка зрабіў шмат для таго, каб пратэсты працягваліся і не сціхалі.
«Ён працуе не на прымірэнне, а наадварот абвастрае сітуацыю. Не зрабіў ніякіх высноў з таго, што адбылося», - мяркуе Ганчарык.
На ягоную думку, цяпер «сутнасць пратэстаў не ў колькасці ўдзельнікаў», бо з часам «колькасць пераходзіць у якасць».
«Самае важнае ў цяперашняй сітуацыі, што людзі не змірыліся - гэта факт. Самымі страшнымі ворагамі называюць страх і абыякавасць - і сёння беларусы іх паспяхова пераадольваюць», - мяркуе Ганчарык.
На ягоную думку, спробамі з дапамогай рэпрэсій збіць пратэстную актыўнасць на вуліцах улады «толькі заганяюць хваробу ўнутр».
«Праблемы не развязваюцца. І тады што хочаце можа стаць падставай для новага стыхійнага выбуху», - адзначыў Ганчарык.