28 лiстапада 2020, Субота, 18:02
Сім сім, Хартыя 97!
Рубрыкі

Прыбытак беларускай прамысловасці абрынуўся на 64,1%

7
Прыбытак беларускай прамысловасці абрынуўся на 64,1%
ІЛЮСТРАЦЫЙНАЕ ФОТА

Запазычанасці прадпрыемстваў па крэдытах і пазыках з пачатку года выраслі на 12,5%.

Беларускія прамысловыя прадпрыемствы ў студзені-ліпені атрымалі 1,73 рублёў чыстага прыбытку. Ён скараціўся ў параўнанні з аналагічным перыядам мінулага года на 64,1%. У ліпені чысты прыбытак прамысловасці склаў усяго блізу 30 млн рублёў, вынікае са звестак Белстата.

Ліпеньскі прыбытак прамысловасці склаў 10,5 рублёў. Агулам за сем месяцаў ён скараціўся на 3,9% у параўнанні з аналагічным перыядам мінулага года і склаў 67,65 рублёў. Сабекошт рэалізаванай прадукцыі зменшыўся на 5,5% да 52,6 рублёў.

Прыбытак ад рэалізацыі вырас толькі на 2,4% да 6,27 рублёў.

Рэнтабельнасць продажаў за сем месяцаў склала 9,3%. Яна вырасла на 0,1 адсотка ў параўнанні з паўгоддзем і на 0,6 адсотка ў параўнанні са студзенем-ліпенем 2019 года.

Колькасць стратных прадпрыемстваў за ліпень павялічылася на 16. Усяго ж за сем месяцаў страты мелі 357 арганізацый, што на 22,7% больш, чым год таму.

Іх сукупная чыстая страта вырасла ў 6,1 разы да 1,67 млрд рублёў. На адну арганізацыю прыпадала 4,69 млн руб чыстай страты, або ў пяць разоў больш, чым год таму.

Запазычанасці прадпрыемстваў па крэдытах і пазыках з пачатку года выраслі на 12,5% да 49,26 мільярда рублёў, а пратэрмінаваная запазычанасць знізілася на 29% да 1,44 млрд.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».