У Беларусь прыходзіць бабіна лета

Нас чакае працяглы перыяд сонечнага, цёплага і сухога надвор'я.

Пасля традыцыйнага пахаладання ўвесь працоўны тыдзень жыхароў Беларусі чакае працяглы перыяд сонечнага, цёплага і сухога надвор'я. Тэмпературны фон у сярэднім будзе на 4°C вышэй за належную тэмпературу па клімаце апошняй дэкады верасня. Пра гэта tut.by паведамляе Белгідрамет.

22 верасня будзе без ападкаў. Уначы і раніцай у асобных раёнах туман. Тэмпература паветра мінімальная ўначы +4... 10°С, месцамі да +12°С, максімальная удзень +20... 26°С.

У сераду і чацвер таксама без ападкаў. Уначы і раніцай у асобных раёнах слабы туман. Тэмпература паветра мінімальная ўначы +4... 11°С, месцамі +12... 13°С, максімальная ўдзень ад +20°С на паўночным усходзе да +27°С на паўднёвым захадзе краіны.

25 верасня пераважна без ападкаў, толькі ўначы і раніцай у асобных раёнах па паўночным захадзе краіны магчымы кароткачасовыя дажджы, навальніцы. Тэмпература паветра мінімальная ўначы ад +7°С на ўсходзе да +15°С на паўднёвым захадзе, максімальная ўдзень +20... 27°С.