Актор Купалаўскага тэатра Алег Гарбуз святкуе юбілей

Вядомаму актору споўнілася 50 гадоў.

Вядомы беларускі актор драмы Нацыянальнага акадэмічнага тэатра імя Янкі Купалы Алег Гарбуз святкуе сёння юбілей. 21 верасня яму споўнілася 50 гадоў.

Алег Гарбуз нарадзіўся ў Менску. У 1994 годзе скончыў тэатральны факультэт Беларускай дзяржаўнай акадэміі мастацтваў па спецыяльнасці «Актор драматычнага тэатра і кіно». Працаваў на сцэне Тэатра беларускай драматургіі «Вольная сцэна». З 1997 года ў складзе трупы Купалаўскага тэатра. У жніўні 2020 года ўслед за дырэктарам звольніўся з трупы тэатра ў знак пратэсту супраць рэжыму Лукашэнкі.

Калектыў сайта «Хартыя'97» віншуе Алега з Днём нараджэння. Жадае моцнага здароўя, творчых поспехаў, шчасця і асабістых перамог.