У Менску адноўлены мабільны інтэрнэт
8- 20.09.2020, 20:00
- 15,077
Інтэрнэт у беларускай сталіцы абмяжоўваюць кожную нядзелю з пачатку пратэстных акцый.
Прапускная здольнасць мабільнага інтэрнэту, зніжаная праз правядзенне ў нядзелю ў Менску масавай акцыі пратэсту, цалкам адноўленая, паведаміў адзін з аператараў мабільнай сувязі.
"На 19.05 выкананне паслугі перадачы звестак цалкам адноўлена", - гаворыцца ў паведамленні мабільнага аператара А1 у Twitter.
Раней кампанія інфармавала, што "ў адпаведнасці з загадам упаўнаважаных дзяржаўных органаў 20 верасня ў Менску зніжана прапускная здольнасць мабільнага інтэрнэту". "Выкананне гэтага патрабавання вядзе да пагаршэння якасці сэрвісу перадачы звестак або часовай недаступнасці паслугі", - папярэдзілі там.