Адбыўся выбух у Магілёве на камбінаце сілікатных вырабаў
3- 15.09.2020, 16:13
- 40,110
Моцна пацярпеў адзін працаўнік.
У Магілёве на камбінаце сілікатных вырабаў сёння, 15 верасня, адбыўся выбух, паведамляе Следчы камітэт, піша tut.by. Сур'ёзна пацярпеў адзін работнік - у яго шырокія апёкі.
Выбух адбыўся на адным з участкаў камбіната сілікатных вырабаў пры змешванні гаручых сумесяў. Работнік прадпрыемства ў выніку выбуху атрымаў апёкі 80% цела. Ён у лякарні.
Следства высвятляе абставіны здарэння.