Прэзідэнтка Эстоніі - беларускім уладам: Гаага ўжо не далёка

Керсці Кальюлайд папярэдзіла афіцыйны Менск.

Прэзідэнтка Эстоніі Керсці Кальюлайд папярэдзіла беларускія ўлады, якія выкарыстоўваць гвалт для здушэння мірных пратэстаў апазіцыі, пра тое, што яны могуць быць прыцягнутыя да адказнасці ў Міжнародным крымінальным судзе, паведамляе rus.err.ee.

"Вельмі важна, каб асобы, якія прымаюць пастановы ў Менску, разумелі, што Гаага ў напраўду знаходзіцца не так ужо далёка", - заявіла Кальюлайд, сказаўшы, што вінаватыя ў гвалце супраць беларускай апазіцыі павінны быць як мага хутчэй пакараныя.

У Гаазе знаходзіцца Міжнародны крымінальны суд, які адказвае за прыцягненне да адказнасці вінаватых у генацыдзе, злачынствах супраць чалавечнасці і вайсковую агрэсію.

Кальюлайд падкрэсліла ролю краін Балтыі і Польшчы ва ўзняцці пытання аб Беларусі ў Еўрапейскім звязе, але адзначыла, што лёс Беларусі павінен вызначаць яе народ.

"Беларускі народ павінен справіцца з гэтым сам. Умяшанне звонку немагчымае і немэтазгоднае. І гэта тычыцца як Усходу, так і Захаду", - сказала прэзідэнтка Эстоніі.