1 кастрычнiка 2020, Чацвер, 4:18
Сім сім, Хартыя 97!
Рубрыкі

Кандыдатка ў прэзідэнты Святлана Ціханоўская звярнулася да беларусаў

19
Кандыдатка ў прэзідэнты Святлана Ціханоўская звярнулася да беларусаў
Светлана Тихановская
Фото: ТАСС

Нас большасць і нас ужо не спыніць.

Кандыдатка ў прэзідэнты Святлана Ціханоўская звярнулася да беларусаў. Сайт публікуе зварот з скарачэннямі:

– Дзякуй за вашу падтрымку і давер, беларусы. У кожным горадзе Беларусі, маленькім або вялікім, тысячы людзей выходзяць і кажуць «Нам патрэбныя перамены!», «Нам патрэбны новы прэзідэнт!». Столькі прыхільнікаў пераменаў на вуліцах нашых гарадоў яшчэ ніколі не было. Сёлета мы пераканаліся, што для нас, для беларусаў, няма нічога немагчымага.

Вы ўсе – надзея нашай краіны і яе будучыня. Давайце зробім так, каб мы прачнуліся ў новай краіне.

Я прашу ўсіх прыхільнікаў пераменаў 9 жніўня прыйсці на ўчастак і прагаласаваць за мяне, Святлану Ціханоўскую.

Сёння, 9 жніўня, а 20-й кожны мае права прыйсці да выбарчага ўчастка і пазнаёміцца ​​з пратаколам пра вынікі галасавання.

Чакайце, пакуль камісія палічыць галасы і вывесіць пратакол з вынікамі.

Калі вы ўбачыце, што мы перамаглі – святкуйце нашу перамогу.

Калі вы заўважылі парушэнні – дзейнічайце паводле закону.

Я абяцаю зрабіць усё, што залежыць ад мяне, каб абараніць вашы галасы.

Я ведаю, што людзі ў пагонах таксама чакаюць пераменаў. Я ўпэўненая, што вы не будзеце выконваць злачынныя загады. Ведаю, што многія стаміліся слухаць хамства і пагрозы ад кіраўніцтва. Я абяцаю падтрымку кожнаму міліцыянту, кожнаму афіцэру. Усім, хто адмовіцца выконваць злачынны загад або пацерпіць ад гэтага.

Я звяртаюся да чальцоў участковых камісій. Сярод вас шмат настаўнікаў і выкладнікаў.

Я сама настаўніца і разумею – перад якім выбарам вы стаіце. Ведайце, што я, мы не пакінем вас у бядзе. Прашу вас, дзейнічайце сумленна. Правядзіце сумленны падлік галасоў! Калі на вас ціснуць, патрабуюць парушаць закон – тэлефануйце ў наш штаб. Мы вам дапаможам! Калі вас звольнілі, тэлефануйце ў наш штаб, мы вам дапаможам!

Вы бачыце, што мы адзіныя. І ў Беларусі, і за мяжой нашы суайчыннікі дапамагаюць кожнаму чалавеку, які пацярпеў ад беззаконня.

Мы ўпэўненыя ў нашай з вамі перамозе. Нас большасць і нас ужо не спыніць. Давайце разам абаронім наша права выбару – мірна, з годнасцю і паводле закону.