Лукашэнка цалкам страціў сваю легітымнасць

Беларусы ўбачылі, што ён нічога не робіць.

Да прэзідэнцкіх выбараў у Беларусі, якія адбудуцца 9 жніўня, засталося ўсяго некалькі дзён. Міжнародны аглядальнік «Нового времени» Іван Якавіна пракаментаваў падзеі ў Беларусі.

Асноўная праблема Лукашэнкі палягае ў тым, што ён абсалютна не адпавядае духу часу і паводзіць сябе так, як, напэўна, мог бы весці сябе «эфектыўны палітык» ў 90-я ці ў пачатку 2000-х. Усё, што ён цяпер кажа і робіць, проста не адпавядае духу часу і выбіваецца з гістарычнага кантэксту.

Ён спрабуе закансерваваць тыя гады, калі ён быў моцны, бадзёры, вясёлы і цалкам кантраляваў сітуацыю. Але гэта немагчыма зрабіць на тую простую прычыну, што свет і людзі ў самой Беларусі вельмі моцна змяніліся. Думаю, акурат праз гэта ён і не зможа перамагчы на выбарах.

Яшчэ адзін важны момант палягае ў тым, што Лукашэнка цалкам страціў сваю легітымнасць праз сваю поўную няздольнасць нармальна адрэагаваць на эпідэмію каранавіруса. Беларусы ўбачылі, што ён нічога не робіць, ад яго толькі горш, а не лепш; і таму нават адданыя прыхільнікі Лукашэнкі ў нейкі момант адвярнуліся ад яго. Гэта бюджэтнікі, людзі старэйшага пакалення, а таксама сяляне.