Пратэстоўцы ў Бейруце патрабавалі адстаўкі ўрада
1- 7.08.2020, 9:56
- 9,263
Грамадзяне краіны абвінавачваюць дзяржаўных чыноўнікаў у халатнасці.
У Бейруце пасля маштабных выбухаў прайшлі пратэсты з патрабаваннем адстаўкі ўрада.
Як паведамляе ВВС, падчас пратэстаў адбыліся сутыкненні паміж дэманстрантамі і паліцыяй.
Праваахоўнікі выкарысталі слёзацечны газ.
Удзельнікі пратэстаў былі абураныя магутнымі выбухамі ў порце, якія прывялі да шматлікіх ахвяр і разбурэнняў.
Дэманстранты ўпэўненыя, што да трагедыі прывяла халатнасць урада.
У выніку выбуху былі разбураны цэлыя раёны сталіцы, дамы і прадпрыемствы ператварыліся ў руіны.
Дзесяткі людзей дагэтуль лічацца зніклымі без вестак.
4 жніўня ў раёне порта Бейрута грымнуў магутны выбух.
Папярэдне вядома, што ў порце выбухнула некалькі тысяч тон аміячнай салетры (нітрат амонію), якія захоўваліся там з 2014 года. Мытня і Галоўная ўправа грамадскай бяспекі Лібана неаднаразова прасілі вывезці з порта Бейрута небяспечныя грузы, але беспаспяхова.
Колькасць загінулых у выніку магутнага выбуху ў Бейруце склала 157 чалавек.
У рамках расследавання выбухаў у Бейруце былі затрыманыя 16 чалавек. Са звестак СМІ, сярод іх - дырэктар порта.