Нацыянальная мабілізацыя, усе - у Менск
20- Вераніка Мішчанка
- 22.08.2020, 9:23
- 66,168
Эмацыйны зварот адной з лідарак пратэстаў
Нацыянальная мабілізацыя. Усе - у Менск.
На youtube.com з'явіўся эмацыйны зварот аднае з лідарак беларускіх пратэстаў, актывісткі партыі «Народная Грамада» Веранікі Мішчанкі.
«Адзін - за ўсіх, і ўсе - за аднаго! Выходзім на вуліцы. Выходзім на забастоўкі. Не ходзім на працу і прыязджаем на выходныя ў Менск, - кажа актывістка. - Давайце бараніць сваё права жыць у свабоднай краіне!».
Незалежныя тэлеграм-каналы заклікалі выйсці ў нядзелю, 23 жніўня, на Марш новай Беларусі:
У мінулую нядзелю прайшла самая масавая акцыя ў гісторыі нашай краіны, дзе мы вылучылі 3 простыя народныя патрабаванні:
Неадкладная свабода ўсім затрыманым і палітвязням
Сыход Лукашэнкі
Правасуддзе над вінаватымі ў забойствах і катаваннях
Той найважнейшы і гістарычны дзень паказаў, што беларусы гатовыя жыць у іншай краіне...
Прыйшоў час жыць па-свойму.
НЯДЗЕЛЯ
МЕНСК, 14.00. ПЛОШЧА НЕЗАЛЕЖНАСЦІ. Зноў збіраем усіх сваіх суседзяў і ідзём цэлымі раёнамі ў цэнтр.
АСТАТНІЯ ГАРАДЫ. РАБОЧЫЯ І ЎСЕ-ЎСЕ-ЎСЕ. МЫ ВАС БУДЗЬМА ЧАКАЦЬ НА МАРШ! Арганізуйцеся з самай раніцы і арганізаванымі аўтакалонамі кіруйцеся на Менск! У найбліжэйшыя дні мы пастараемся зрабіць усё, каб дапамагчы з арганізацыяй руху.
ЧАС БРАЦЬ ЖЫЦЦЁ КРАІНЫ Ў НАШЫ РУКІ!