27 кастрычнiка 2020, aўторак, 13:22
Сім сім, Хартыя 97!
Рубрыкі

Больш за тысячу менчукоў сабралася каля станцыі метро «Пушкінская»

3
Больш за тысячу менчукоў сабралася каля станцыі метро «Пушкінская»
ІЛЮСТРАЦЫЙНАЕ ФОТА: «НАША НІВА»

Людзі трымаюць бел-чырвона-белыя сцягі, кветкі, паветраныя шары.

Шматлікія дэманстранты сабраліся ў Менску каля станцыі метро «Пушкінская» вечарам 13 жніўня - у раёне гатэля «Арбіта», кінатэатра «Аўрора» і на супрацьлеглым баку дарогі, паведамляе naviny.by.

Людзі трымаюць бел-чырвона-белыя сцягі, кветкі, паветраныя шары. Паводле ацэнак журналістаў, цяпер тут знаходзіцца больш за тысячу чалавек. Яны перыядычна скандуюць: «Верым, можам, пераможам!» Таксама сотні людзей стаяць уздоўж дарогі ад «Пушкінскай» у бок Кальварыі.

Дарожныя агароджы ўздоўж вуліцы Прытыцкага абвешаны кветкамі, аўтамабілісты бесперапынна сігналяць.

Акрамя гэтага, ад «Пушкінскай» да станцыі метро «Спартыўная» і далей выцягнулася доўгая ланцуг людзей.

Перыядычна ў гэтым раёне не спыняючыся праязджаюць вайсковыя грузавікі.

Цяпер у месцы збору людзей аўтамабіляў сілавікоў не назіраецца. Рух па вуліцы Прытыцкага і праспекце Пушкіна не перакрыты.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».