Удзельнікаў акцый пратэсту пачалі масава вызваляць з турмаў
46- 13.08.2020, 9:04
- 108,830
Людзі выходзяць на волю ў Менску, Жодзіне, Гомелі.
З Цэнтра ізаляцыі парушальнікаў на 1-м завулку Акрэсціна ў Менску ўначы 13 жніўня вызвалілі блізу 100 удзельнікаў акцый пратэстаў, паведамляе «Радыё Свабода».
Прозвішчы вызваленых падае тэлеграм-канал «Акрэсціна спісы».
З'явіліся паведамленні аб вызваленні людзей у Жодзіне і Гомелі.
Сярод іншых вызвалілі Крысціну Вітушка, якой падчас зняволення не давалі жыццёва неабходных лекаў ад цукровага дыябету.