28 сакавiка 2024, Чацвер, 19:27
Падтрымайце
сайт
Сім сім,
Хартыя 97!
Рубрыкі

Уладзімір Співакоў адмовіўся ад ордэна, якім яго ўзнагародзіў Лукашэнка

74
Уладзімір Співакоў адмовіўся ад ордэна, якім яго ўзнагародзіў Лукашэнка

Расейскі дырыжор заявіў, што яму сорамна яго насіць.

Знакаміты расейскі дырыжор і скрыпач Уладзімір Співакоў адмовіўся ад Ордэна Францішка Скарыны, які ўручыў яму Аляксандр Лукашэнка, піша «Коммерсант».

- Сёння на вашым «свяце» пануе цемрашальства, тыранія, гвалт і бясконцыя прыклады крайняй жорсткасці, з якой улады душаць волевыяўленне мноства грамадзянаў ва ўсёй краіне, - напісаў Співакоў у адкрытым лісце дыктатару. - Сёння маё сэрца б'ецца ва ўнісон з народам Рэспублікі Беларусь, які справядліва патрабуе выканання элементарных правоў і свабод, уключаючы права на мірныя пратэсты. Таму ў гэтай сітуацыі я вымушаны адмовіцца ад ордэна, якім вы мяне раней узнагародзілі. Мне сорамна яго насіць, бо гэта звязана з вашым праўленнем.

Співакоў, які неаднаразова выступаў у Беларусі, быў узнагароджаны ордэнам Францішка Скарыны ў 2014 годзе.

Апошнія дзесяць гадоў у Менску праходзіў фэст «Уладзімір Співакоў запрашае».

Напісаць каментар 74

Таксама сачыце за акаўнтамі Charter97.org у сацыяльных сетках