Турцыя развіталася з «Газпрамам» і пераходзіць на азербайджанскі газ

Фактычна пастаўкі спыніліся.

«Газпрам» працягвае страчваць рынак газу Турцыі, якая яшчэ надоечы была другім найбуйнейшым кліентам пасля Нямеччыны, а ў 2020-м годзе адмовілася ад расейскіх паставак практычна цалкам, піша finanz.ru.

Са звестак ФМС, у чэрвені ў Турцыю было перапампавана ўсяго 2 мільёны кубаметраў газу - ў 1127 разоў менш, чым у студзені, і 585 разоў менш, чым у той жа месяц год таму.

Фактычна пастаўкі спыніліся. На турэцкі рынак прыпала 0,01% ад агульнага экспарту «Газпрама», які склаў 11 млрд кубаметраў.

Расейскі газ Турцыя замяняе сыравінай з Азербайджана, які з сакавіка ўтрымлівае статус найбуйнейшага пастаўшчыка ў краіну.

Па выніках мінулага года пастаўкі азербайджанскага газу з радовішча Шах-Дэніз выраслі на 27%, і Анкара мае намер працягваць іх нарошчваць, заявіў у аўторак кіраўнік турэцкага МЗС Меўлют Чавушаглу.

«Азербайджан ужо выйшаў на першае месца ў пастаўках прыроднага газу ў Турцыю. У наступныя гады мы павялічым аб'ём закупак газу з Азербайджана», - сказаў ён на супольнай прэс-канферэнцыі з кіраўніком МЗС Азербайджана Джэйхунам Байрамавым (цытаты з «Інтэрфаксу»). «Мы прадоўжым свае намаганні для пашырэння двухбаковых узаемадачыненняў ва ўсіх галінах», - дадаў Чавушаглу.

Турцыя стала «галаўным болем» для «Газпрама» неўзабаве пасля таго, як прэзідэнты Уладзімір Пуцін і Раджэп Эрдаган паваротам сімвалічнага вентыля запусцілі трубаправод «Турэцкі струмень», які каштаваў 7 млрд даляраў.

Пачынаючы са студзеня пастаўкі ў Турцыю перайшлі ў рэжым свабоднага падзення: у студзені гэта было 2,254 мільярда кубаметраў, у лютым - 1,119 млрд, у сакавіку - 0,394 млрд, у красавіку - 0,473 млрд, у траўні - 0,342 млрд, а ў чэрвені - усяго 0,002 млрд.

З-за адсутнасці попыту давялося спыняць трубаправоды. У траўні «Газпрам» спыніў прапампоўку па збудаванаму ў пачатку 2000х «Блакітным струмені». Прычынай называліся рамонтныя работы, якія планавалася завяршыць на працягу двух тыдняў.

Але на канец ліпеня, са дадзеных Reuters, труба магутнасцю 16 млрд кубаметраў на год па-ранейшаму стаяла пустой.

27 ліпеня турэцкая Botas абвясціла пра другое за два месяцы прыпыненне «Турэцкага патоку». Як заявіла кампанія, газаправод стане на два тыдні - да 10 жніўня праз рамонтныя працы.

Месяц таму «Турэцкі струмень» ужо спынялі на планавае абслугоўванне, якое працягвалася з 23 да 29 чэрвеня. Тады ініцыятарам прыпынення быў «Газпрам».

Акрамя азербайджанскага газу Турцыя плануе нарошчваць закупкі ЗПГ на спот-рынку, распавёў Reuters крыніца ў энэргетычнай галіне краіны. З гэтым, паводле ягоных слоў, была звязаная пастанова павялічыць час прафілактычных работ на «Блакітным струмені» ў траўні.

У «Газпраме» рыхтуюцца да далейшага пагаршэння сітуацыі на турэцкім кірунку, казала раней Reuters крыніца ў кампаніі.