Беларусы просяць Viber зрабіць званкі часова бясплатнымі

У інтэрнэце можна падпісаць петыцыю.

Беларусы, якія жывуць за мяжой, стварылі петыцыю на партале Change.org. Яны просяць Viber зрабіць бясплатнымі званкі ў Беларусь, каб заставацца на сувязі з роднымі і блізкімі.

«Для таго, каб фальсіфікаваць выбары, улады Беларусі адключылі ў краіне доступ да інтэрнэту, якога няма дагэтуль. Гэта робіць немагчымым атрыманне інфармацыі аб тым, што адбываецца ў краіне і ацэнкі ўсёй сітуацыі. Беларусы, якія жывуць за мяжой, не могуць звязацца са сваімі роднымі і блізкімі, і не ведаюць, у бяспецы яны ці не.

Для беларусаў і іх сяброў, якія жывуць за мяжой, адзіным сродкам сувязі з нашымі блізкімі застаюцца вельмі дарагія міжнародныя тэлефонныя званкі. Адна хвіліна размовы па Viber каштуе 51.3 еўрацэнта. А тэлефанаваць нам трэба шмат і шмат каму. Мы маглі б заплаціць гэтыя грошы, але шматлікім людзям цяпер патрэбная падтрымка - хтосьці мае патрэбу ў лячэнні, хтосьці ў дапамозе юрыстаў, хтосьці павінен выплаціць гіганцкія штрафы паводле сфабрыкаваных спраў, хтосьці проста ў турме і ім трэба сабраць перадачу, хтосьці быў звольнены паводле палітычных матываў і павінен карміць сям'ю. У гэты няпросты час нам важна заставацца на сувязі са сваімі блізкімі ў Беларусі - краіне, дзе ствараўся і распрацоўваўся сам Viber!

Калі ласка, зрабіце званкі на беларускія нумары часова бясплатнымі і дапамажыце нам заставацца на сувязі з тымі, каго мы любім!» - гаворыцца ў петыцыі.