28 сакавiка 2024, Чацвер, 21:07
Падтрымайце
сайт
Сім сім,
Хартыя 97!
Рубрыкі

У штабе Ціханоўскай запатрабавалі перадачы ўлады ў Беларусі

58
У штабе Ціханоўскай запатрабавалі перадачы ўлады ў Беларусі
СВЯТЛАНА ЦІХАНОЎСКАЯ
ФОТА: ІЛЛЯ ПІТАЛЕЎ/РІА НОВОСТИ

У адваротным выпадку штаб не выключыў новых пратэстаў.

Святлана Ціханоўская заявіла, што ўважае сябе за пераможцу на выбарах прэзідэнта Беларусі, а ў ейным штабе запатрабавалі мірнай перадачы ўлады абранаму кіраўніку дзяржавы, не выключыўшы магчымасці новых пратэстаў, паведамляе РІА «Новости».

«Улада нас не чуе, яна цалкам адарвалася ад народа, але я маю паўтарыць, што мы за мірныя перамены. І ўлада павінна зараз падумаць, як мірным спосабам перадаць гэтую ўладу, бо на дадзены момант яны маюць толькі адзін спосаб - гвалт над мірнымі беларусамі», - заявіла Ціханоўскі.

Кандыдатка ў прэзідэнты Беларусі таксама заявіла, што цяперашняя ўлада спрабуе ўтрымаць свае пазіцыі «гвалтоўнымі метадамі», хоць падчас закончанага напярэдадні галасавання «выбаршчыкі зрабілі свой выбар».

У штабе Ціханоўскай вынікі, агучаныя ЦВК Ярмошынай, не прызнаюць, а праведзеныя апазіцыяй апытанні на выхадзе з выбарчых пунктаў сведчаць аб тым, што большасць галасоў на іх была аддадзеная за Ціханоўскую.

Са слоў даверанай асобы Ціханоўскай, звесткі з выбарчых пунктаў з усёй Беларусі таксама паказваюць, што апазіцыйная кандыдатка перамагла на выбарах, заручыўшыся падтрымкай 70-80% выбаршчыкаў.

«Інтэрфакс-Захад» паведамляе, што штаб Ціханоўскай мае ўласныя звесткі аб выніках галасавання з 250 выбарчых пунктаў (агулам іх амаль 6 тысяч). Пры гэтым прэс-сакратарка штаба Ганна Красуліна заявіла агенцтву, што абвешчаныя ЦВК вынікі «не адпавядаюць рэчаіснасці і супярэчаць здароваму сэнсу».

Напісаць каментар 58

Таксама сачыце за акаўнтамі Charter97.org у сацыяльных сетках