Пракуроры запыталі тэрміны паводле «справы Уцюрына»

Былому ахоўніку Лукашэнкі - значна больш, чым іншым фігурантам.

У Вярхоўным судзе другі дзень працягваюцца спрэчкі бакоў у гучнай «справе Уцюрына». Першымі слова ўзялі дзяржаўныя абвінаваўцы Сяргей Гіргель і Кірыл Чубкавец, паведамляе tut.by.

- Карупцыя выключна шкодна ўплывае, - з гэтых слоў свой выступ пачаў дзяржаўны абвінаваўца Сяргей Гіргель.

На думку пракуратуры, віна 16 абвінавачаных даведзеная. Нагадаем, адных абвінавачваюць у атрыманні хабараў за пастаўкі патрэбнага абсталявання, іншых – у лецішчах. Паводле крымінальнай справы ў хабарнікаў канфіскавана больш 1,65 млн даляраў, 62 тысячы еўраў, больш за 1 кілаграма золата.

Як адзначае ў сваёй прамове дзяржаўны абвінаваўца, некаторыя фігуранты «спрабавалі прадэманстраваць раскаянне», у працэсе не раз фігуравалі прыходы з павіннай, напісаныя падчас расследавання. З 16 фігурантаў цяпер 12 знаходзяцца за кратамі. У дачыненні да астатніх прыняты іншыя захады стрымання: залог, падпіска аб нявыездзе, хатні арышт.

Пракуроры не раз робяць акцэнт на тым, што віна фігурантаў даказаная матэрыяламі крымінальнай справы, паказаннямі саміх абвінавачаных, сведак, а таксама канфіскаванымі дакументамі і матэрыяламі аператыўна-вышуковай дзейнасці. Сустрэчы абвінавачаных запісваліся схаванай камерай.

- «Мы ўжо нешта адчуем?» - пракурор зачытвае фразу намесніка дзяржсакратара Савета бяспекі Андрэя Уцюрына падчас сустрэчы ў кавярні ў2018 годзе з Уладзімірам Казанцавым, прадстаўніком «Смартлабс».

Дзяржабвінаваўца ўпэўнены: так Уцюрын пытаў пра чаканы хабар, бо ён лабіяваў інтарэсы расейскай кампаніі. Дзякуючы апецы Уцюрына, упэўненае абвінавачванне, была ўкладзеная дамова з «Белтэлекам» на пастаўку прыставак Смарт-Zala на суму 6 859 000 даляраў.

Чарговы хабар Уцюрыну перадалі у 2019 годзе і тут жа быў затрыманы. Пры ім было 148 тысяч даляраў, у службовым кабінеце - 31 тысяча даляраў, дома ў Уцюрын выявілі яшчэ 25 тысяч еўраў і 30 тысяч даляраў.

- Уцюрын фактычна віну не прызнаў, - кажа пракурор Кірыл Чубкавец і ставіць пад сумневы словы Уцюрына аб тым, што знойдзеныя грошы не хабар, а грошы узятыя пад заклад.

Якое пакаранне запатрабавалі пракуроры абвінавачаным?

Андрэй Уцюрын, намеснік Дзяржаўнага сакратара Савета бяспекі Рэспублікі Беларусь, абвінавачваецца ў атрыманні хабараў на 192 000 даляраў - 14 гадоў пазбаўлення волі ў калоніі ўзмоцненага рэжыму, пазбаўленне рангу палкоўніка, канфіскацыя 192 тысяч даляраў.

Сяргей Сівадзедаў, генеральны дырэктар «Белтэлекама», хабар на суму не менш за 470 тысяч даляраў і 15 000 еўраў - 7 гадоў пазбаўлення волі. Быў выкарыстаны арт. 69 КК, бо ён выканаў дасудовае пагадненне

Фелікс Каспяровіч, старшыня ўправы ААТ «Беларускі міжбанкавы разліковы цэнтр», абвінавачваецца ў атрыманні суольна з Падгорным хабараў у агульнай суме не менш за 868 750 даляраў - 7,5 гадоў пазбаўлення волі.

Андрэй Падгорны, намеснік начальніка Галоўнай управы інфармацыйных тэхналогій Нацыянальнага банка Рэспублікі Беларусь, абвінавачваецца ў атрыманні супольна з Каспяровічам хабараў на суму не менш за 868 750 даляраў - гадоў пазбаўлення волі - 7,5 гадоў пазбаўлення волі, канфіскацыя 526 тысяч даляраў, астатнія ён ужо выплаціў.

Ігар Кудасаў, начальнік Галоўнай управы аплатнай сістэмы і лічбавых тэхналогій Нацыянальнага банка Рэспублікі Беларусь, хабар не менш за 30 000 даляраў - 5 гадоў пазбаўлення волі, спагнаць 30 тысяч даляраў.

Юрый Зданевіч, дырэктар Інфармацыйна-вылічальнага цэнтра Міністэрства фінансаў, хабар 82 500 долараў - 7 гадоў пазбаўлення волі, канфіскаваць 20 тысяч даляраў і 8 тысяч еўраў, яшчэ 52 тысячы даляраў з яго спагоняць на кампенсацыю шкоды.

Аляксей Мілаванаў, начальнік управы інфармацыйнай бяспекі дэпартамента бяспекі ААТ «АСБ «Беларусбанк», абвінавачваецца ў атрыманні хабару сумай 27 тысяч даляраў - 6 гадоў пазбаўлення волі.

Юрый Панамароў, выканаўчы дырэктар Банка БелВЭБ, абвінавачваецца ў атрыманні хабараў агульнай сумай 13 тысяч даляраў, а таксама выгады маёмаснага характару на суму 1 тысяч фунтаў стэрлінгаў - 3 гады пазбаўлення волі.

Аляксандр Броўка, прадстаўнік «Мабільнага сэрвісу», абвінавачваецца ў дачы хабараў агульнай сумай 13 тысяч даляраў, а таксама прадастаўленні выгады маёмаснага характару на суму 1000 фунтаў стэрлінгаў - 4 гады абмежавання волі з накіраваннем ва ўстанову адкрытага тыпу.

Уладзімір Томчанка, дырэктар «ТТ-Связьком» (Менск), перадаў хабар на 9 тысяч даляраў - 3,5 гады абмежавання волі з накіраваннем ва ўстанову адкрытага тыпу.

Уладзімір Казанцаў, прадстаўнік кампаній «Смартлабс» і «УГМК-Тэлекам», грамадзянін Расеі, абвінавачваецца ў дачы хабараў на суму не менш за 190 тысяч даляраў - 2 гады і тры месяцы пазбаўлення волі.

Віталь Гарбачоў, прадстаўнік кампаній «Смартлабс» і «УГМК-Тэлекам», грамадзянін Расеі, абвінавачваецца ў дачы хабараў на суму не менш за 190 тысяч даляраў - 2 гады і 3 месяц а пазбаўлення волі.

Міхаіл Прыгара, прадстаўнік «АМТ-Груп Інтэрнэшнл» (Менск), у выглядзе хабару атрымаў 285 тысяч даляраў - 3 гады пазбаўлення волі.

Сяргей Шаркоў, грамадзянін Латвіі, саўладальнік «ДПА» (Менск), абвінавачваецца ў дачы хабараў на 53 тысячы даляраў - штраф 135 тысячаў рублёў.

Уладзімір Жылін, фактычны кіраўнік «Мабільнага сэрвісу» (Менск), абвінавачваецца ў дачы хабараў агульнай сумай не менш як 900 250 даляраў - 5 гадоў пазбаўлення волі.

Сяргей Пакрышка, суўладальнік і адзін з фактычных кіраўнікоў «Солідэкс ПІ» і «Солідэкс» (Менск), перадаў хабар на 195 тысяч даляраў - 5 гадоў пазбаўлення волі.

У сувязі з амністыяй пракурор просіць часткова тэрмінам на адзін год вызваліць ад пакарання тых, каму будзе прызначана пакаранне ў выглядзе пазбаўлення і абмежавання волі.

Нагадаем, што пасля затрымання Уцюрына шэраг Telegram-каналаў і СМІ заявілі, што намеснік дзяржаўнага сакратара Савета Бяспекі быў арыштаваны паводле падазрэнні ў падрыхтоўцы замаху на Лукашэнку і ягоную сям'ю.

Затрыманне высокапастаўленага сілавіка суправаджалася ператрусамі і арыштамі ў сілавых структурах Беларусі. Афіцыйныя СМІ гэтую інфармацыю замоўчвалі, імкнучыся выдаць «справу Уцюрын» як выключна карупцыйную.