Як працаўнікі «Белшыны» паставілі на месца ідэолага з афіцыйнага прафсаюзу
40- 7.07.2020, 17:30
- 143,273
Улады сур'ёзна баяцца страйку.
Telegram-канал «Баста!» апублікаваў гісторыю работніка бабруйскага завода «Белшына». Выяўляецца, улады ўсур'ёз баяцца страйку і адпраўляюць сваіх ідэолагаў на заводы, каб тыя праводзілі гутаркі.
«Жыву ў Бабруйску, працую на «Белшыне», - распавёў адзін з супрацоўнікаў прадпрыемства. - Не буду пісаць пра тое, як там цяпер усё дрэнна, аб прадукцыі пад адкрытым небам і аб беззаконні кіраўніцтва.
Хачу падзяліцца гісторыяй. Да нас у цэх прыйшоў чалавек з прафсаюза, ідэолаг нейкі, дакладна званне не скажу. Пачаў чытаць нам лекцыю пра тое, што апошнім часам многія работнікі выходзяць з дзяржаўных прафсаюзаў і наогул, што таемна вядуць размовы пра страйкі.
Распавядаў пра тое, што вельмі важна захаваць кожнаму працоўнае месца, што толькі прафсаюз можа нас абараніць і што калі будзе страйк, то мы падвядзем усю краіну.
Адзін наш чалавек яго перапыніў і кажа, што гэты завод у такой ужо ж...е, што нават калі будзе страйк, то гэтага ніхто не заўважыць. Мы засмяяліся ўсе. Потым ён кажа, што даняў яго ўжо гэты прафсаюз і што ён таксама хоча выйсці, як заяву напісаць, спытаў.
Той засланы аж збялеў, нешта яшчэ памармытаў хвіліны тры сабе пад нос і ўцёк».
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..