Аўтары галоўных пратэставых хітоў гэтага лета: А ты спяваеш разам з намі?

Музыкі TOR BAND звярнуліся да беларусаў.

«А ты спяваеш разам з намі?» – пытаюцца музыкі з гурта TOR BAND, аўтары крутых пратэставых хітоў гэтага лета.

У роліку, апублікаваным на старонцы гурта «ВКонтакте», – кадры ад удзельнікаў флэшмобу салідарнасці, якія спяваюць «Мы – народ» і «Сыходзь» штовечар а 19-й.

Беларускія блогеры і актывісты прапанавалі праводзіць Флэшмоб салідарнасці. Мэта акцыі – падтрымаць медыкаў, якія змагаюцца за нашыя жыцці, і герояў, якія цяпер знаходзяцца за кратамі.

Штодня а 19-й на знак салідарнасці адчыняем вокны кватэраў, выходзім на гаўбцы, пляскаем, грукаем у рондалі або ўключаем музыку. Усяго 2 хвіліны – але кожны дзень і да перамогі!