У Індыі мужчына замовіў залатую ахоўную маску

Маска каштавала індыйцу чатыры тысячы даляраў.

Жыхар індыйскага штата Махараштра Шанкар Курадэ паведаміў РІА Новости аб тым, што амаль за чатыры тысячы даляраў замовіў сабе залатую ахоўную маску і носіць яе на фоне распаўсюджвання новага каранавірусу.

"Ідэя пра тое, каб зрабіць залатую маску, прыйшла мне ў галаву, калі я ўбачыў чалавека ў масцы з срэбра. Раз я люблю золата і нашу цяжкія залатыя ланцугі ды пярсцёнкі, я падумаў, а чаму б мне не насіць залатую маску? Тады я папрасіў мясцовага ювеліра зрабіць мне маску з золата. Яна важыць 5,5 фунта (амаль 2,5 кілаграма - рэдакцыя) і каштавала мне 289 тысяч рупій (прыкладна 3870 даляраў - рэдакцыя) ", - заявіў Курадэ.

Ён дадаў, што маска мае невялікія адтуліны для дыхання.

"Але, што да яе дзейснасці, мы ведаем, што самой маскі недастаткова, яшчэ трэба захоўваць дыстанцыю. Таму, выходзячы на двор у залатой масцы, я таксама належным чынам выконваю захады сацыяльнага дыстанцыявання", - адзначыў Курадэ.

Паводле ягоных слоў, маска прывабіла вялікую ўвагу мясцовых жыхароў і СМІ.

"Я стаў цэнтрам увагі, калі ў залатой масцы выйшаў на двор Хоць захапленне маёй сям'і золатам шырока вядомае ў гэтым рэгіёне, залатая маска - гэта зусім новая рэч, таму людзям і было цікава", - дадаў ён.

Паводле апошніх звестак індыйскага Міністэрства аховы здароўя ў Індыі каранавірусам агулам заразіліся 648 315 чалавек, з гэтага ліку ачунялі 394 433 захварэлых і памерлі 18 655 заражаных.