У беларускіх прадуктах выявілі антыбіётыкі і кішачную палачку
20- 3.07.2020, 12:40
- 43,603
Парушэнні санітарных норм выяўленыя ў прадуктах шасці прадпрыемстваў.
Паводле інфармацыі ўправы Рассельгаснагляду Самарскай вобласці, у прадуктах шасці беларускіх прадпрыемстваў пры праверцы малака, сыру, тварагу і ялавічыны было выяўлена чарговае парушэнне ветэрынарна-санітарных патрабаванняў, піша citytraffic.ru.
Так, як паведамляецца, у сухім абястлушчаным малацэ Ваўкавыскага ААТ «Беллакт» і сыроватцы ААТ «Малочныя горкі» выявілі цыпрафлаксацын; у ялавічыне ТАА «Пекалін-М» выявілі лістэрыі; антыбіётык выявілі ў сыры ААТ «Віцебскі мясакамбінат»; кішачную палачку знайшлі ў тварагу ААТ «Малако»; перавышэнне бактэрыяльнай абсемянённасці выяўлена ў кармавым дадатку ТАА «Белэкатэхніка».