29 сакавiка 2024, Пятніца, 0:33
Падтрымайце
сайт
Сім сім,
Хартыя 97!
Рубрыкі

Пацыент з Берасця: За дзень у шпіталь прывозяць 150 пацыентаў з падазрэннем на COVID-19

1
Пацыент з Берасця: За дзень у шпіталь прывозяць 150 пацыентаў з падазрэннем на COVID-19
ІЛЮСТРАЦЫЙНАЕ ФОТА «НАША НІВА»

Каранавірус лютуе ў абласным цэнтры.

За дзень у Берасцейскую цэнтральную гарадскую лякарню прывозяць 150 пацыентаў з падазрэннем на каранавірус і пнеўманію. У гарадской клініцы №2 некалькі аддзяленняў закрываюць праз хваробу працаўнікоў, піша тэлеграм-канал "Баста!".

"Ляжу ў Берасцейскай гарадской цэнтральнай лякарні. За дзень, са слоў медсястры, прывозяць больш за 150 чалавек з падазрэннем на каранавірус. Ложкі ў праходзе стаяць. Тое, што нібыта 380 чалавек па краіне, - гэта нахабная хлусня.

Зараз абед, а мы толькі за паўдня налічылі 5 мікрааўтобусаў "Рытуальныя паслугі", якія пад'язджалі да лякарні", - піша чытач.

"Сябар працуе на хуткай. Ім забаронена рабіць тэсты на каранавірус для памяншэння статыстыкі, хоць тэстаў і так няма. Звычайна зімой у іх 400 выклікаў за дзень, летам - блізу 200. Цяпер таксама 400, як і зімой. З іх 300 – патэнцыйна "кавідныя".

У адмыслова цяжкіх выпадках проста возяць у лякарню - тэстаў ўсё адно няма, а рэагаваць хоць неяк трэба. Некаторыя работнікі пахаў не адчуваюць, але ўсяму кіраўніцтву плявац ", - кажа падпісант з Берасця.

"Берасце, гарадская клініка №2. Закрыта аддзяленне тэрапіі, бо ўсе лекары і медсёстры хварэюць на каранавірус або пнеўманію. Таксама цяпер збіраюцца зачыніць аддзяленне неўралогіі з той жа прычыны", - піша чытач.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..

Напісаць каментар 1

Таксама сачыце за акаўнтамі Charter97.org у сацыяльных сетках