Rolling Stones выпусціў страчаную раней песню
4- 23.07.2020, 21:17
- 34,624
Упершыню трэк быў запісаны пры ўдзеле гітарыста Led Zeppelin яшчэ ў 1974 годзе.
Гурт Rolling Stones выпусціў страчаную раней песню пад назвай Scarlet. Трэк з'явіўся на афіцыйным YouTube-канале калектыву.
Адзначаецца, што кампазіцыя была запісаная яшчэ ў далёкім 1974 годзе. Разам з удзельнікамі гурту ў запісе ўдзельнічаў гітарыст Led Zeppelin Джымі Пэйджа, паведамляе Reuters.
Мік Джагер адзначыў, што ён памятае, як трэк запісвалі ў падвальнай студыі Роні Вуда разам з Джымі Пейджам і Кітам Рычардсам.
Сам гітарыст Led Zeppelin адзначыў, што рэдка граў з кімсьці акрамя свайго калектыву, і таксама памятае запіс гэтага трэка.
Напярэдадні публікацыі новай версіі песні, Пэйдж сустракаўся з Джагерам і назваў запіс «цудоўным і важным».