Навукоўцы выявілі гіганцкую экзапланету

Яна ў 30 разоў цяжэйшая за Зямлю.

Астрафізікі выявілі самую цяжкую камяністую экзапланету, паведамляе часопіс Nature. Яна ў 30 разоў цяжэйшая за Зямлю, а яе радыус 3,5 разы большы за зямны. Планета TOI 849b знаходзіцца прыкладна за 700 светлавых гадоў ад нашай Сонечнай сістэмы, піша profile.ru.

Даследчыкі, вывучыўшы здымкі касмічнай абсерваторыі TESS, мяркуюць, што TOI 849b была газавым гігантам, як Юпітэр, які страціў сваю газавую абалонку. Верхні пласт магла «прыцягнуць» зорка, якая знаходзіцца вельмі блізка да планеты - TOI 849b здзяйсняе абарот вакол яе за 18 гадзін. Навукоўцы не выключаюць, што газавая абалонка магла знікнуць пасля сутыкнення з іншай планетай або яна зусім не паспела сфармавацца.