NEXTA заклікае аўтамабілістаў далучыцца да пратэсту
4- 14.07.2020, 18:25
- 22,604
Удзел у пратэстах плануюць узяць і раварысты.
Сёння максімальна важная будзе і дапамога аўтамабілістаў, піша папулярны блогер NEXTA.
Калі вы баіцеся выходзіць на вуліцы, але хочаце выказаць сваю незадаволенасць і дапамагчы дэманстрантам, проста глушыце маторы, сігнальце, выстаўляйце знакі аварыйнай прыпынку. Словам, нічога супрацьзаконнага.
Усяго некалькі дзясяткаў аўтамабіляў на кожнай буйной вуліцы здольныя перацяць рух і заблакаваць усякую магчымасць праездаў для аўтазакаў. Гэта можа быць вельмі важна для паспяховага пратэсту. Больш за тое, такія акцыі ўжо паспяхова праводзіліся яшчэ ў 2011 падчас «Стоп-Бензіну» і паказалі сваю дзіўную эфектыўнасць.
Далучыцца да пратэстаў плануюць і раварысты. Прычым ужо арганізавана і з розных раёнаў горада яны будуць рухацца ў кірунку цэнтральных вуліц.