Хто забярэ кнот у Сашы?

Адзін нязначны ўчынак цалкам змяняе ход гісторыі.

Дарэчы, сёння ў Францыі нацыянальнае свята - Дзень узяцця Бастыліі. З ім звязаная адна павучальная гісторыя, піша Telegram-канал "Баста!".

14 ліпеня 1789 года парыжане падступілі да Бастыліі. Паўстанцаў галоўным чынам цікавіў арсенал турмы-цытадэлі, якім можна было ўзброіць добраахвотнікаў.

Дэлегацыя гараджан прапанавала каменданту Бастыліі маркізу дэ Ланэ добраахвотна здаць яе і адкрыць арсеналы, на што той адказаў адмовай. Пасля гэтага прыкладна з гадзіны дня завязалася перастрэлка паміж абаронцамі цытадэлі і паўстанцамі. Ланэ разумеў, што яму доўга не выстаяць супраць аблогі і наважыўся падарваць Бастылію. Гісторыкі разыходзяцца ў меркаваннях, ці была гэта свядомая пастанова ці следства памутнення розуму. Калі ён з запаленымі кнотам у руках ужо накіраваўся ў парахавы склеп, два афіцэры накінуліся на яго і звязалі.

Была скліканая вайсковая рада, якая аднагалосна пастанавіла здацца паўстанцам. Над Бастыліі паднялі белы сцяг, і парыжане ўвайшлі ва ўнутраны двор Бастыліі.

Імёны двух афіцэраў, якія забралі кнот у каменданта - Бекар і Феран. Менавіта дзякуючы ім Бастылія пала фактычна без бою і ўдалося пазбегнуць шматлікіх ахвяр. Ды і як прайшла б Французская рэвалюцыя, калі б цытадэль не здалі - таксама невядома. На дапамогу маглі падаспець войскі з Версалю, кароль мог сабраць верныя яму войскі. Але гісторыя не трывае ўмоўнага ладу. Адзін нязначны ўчынак цалкам змяняе яе ход раз і назаўжды.

Дык хто забярэ кнот у вар'ята Сашы?

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..