Часы мяняюцца

Давайце выкарыстоўваць паспяховы досвед іншых краін.

Некалькі слушных парад ад свайго чытача апублікаваў тэлеграм-канал "Баста!".

"Крыху гісторыі, - піша чытач. - Пасля таго, як у лютым 2011 года пратэстоўцы ў Егіпце прымусілі прэзідэнта Хосні Мубарака сысці ў адстаўку, адзін з удзельнікаў рэвалюцыі, які працаваў, дарэчы, у Google - Ваіль Ганім - даў вялікае інтэрв'ю CNN. У яго спыталі, што адбудзецца далей.

"Спытайце Facebook", - адказаў Ганім.

"Вы думаеце, што рэвалюцыя ў Егіпце - гэта заслуга Facebook?" - удакладніў журналіст.

"Так, безумоўна. Я хачу аднойчы сустрэцца з Маркам Цукербэргам і сказаць яму дзякую, напраўду. Гэтая рэвалюцыя пачалася онлайн. Гэтая рэвалюцыя пачалася ў Facebook", - адказаў Ганім.

Часы мяняюцца. Сёння галоўная роля "правадыра рэвалюцыі" - гэта Тэлеграм. Так кажуць удзельнікі пратэстаў у Арменіі, Ганконгу, Каталоніі.

Давайце выкарыстоўваць паспяховы досвед іншых краін. Для пачатку падпішыце ўсіх сваіх знаёмых на незалежныя тэлеграм-каналы і прапануеце ўступіць у свой мясцовы чат "Краіны для жыцця" або іншыя. Хай яны зробяць тое ж самае, што і вы. Нават зрабіўшы гэты крок, яны ўбачаць, што не адны, што нас вельмі шмат, і павінна стаць яшчэ больш. І тады наступныя крокі будуць усё прасцейшымі і прасцейшымі".