«Ты не адзін!»: Пратэстны хіт гучыць насупраць старажытнай Сафіі
- 14.07.2020, 11:31
- 11,552
Як праходзіў Флэшмоб салідарнасці ў Полацку.
Учора ў Беларусі прайшоў 21-ы Флэшмоб салідарнасці. Беларусы з розных гарадоў адчынялі вокны кватэр, выходзілі на балконы, пляскалі ў ладкі, стукалі ў рондалі, уключалі музыку.
У першай гістарычнай сталіцы Беларусі гіт ад Litesound прагучаў насупраць полацкай Сафіі.
Беларускія блогеры і актывісты прапанавалі праводзіць Флэш-моб салідарнасці. Мэта акцыі - падтрымаць медыкаў, якія змагаюцца за нашае жыццё і герояў, якія цяпер знаходзяцца за кратамі.
Штодзень а 19:00 на знак салідарнасці адчыняем вокны кватэр, выходзім на балконы, пляскаем у ладкі, бразгаем рондалямі або ўключаем музыку. Толькі 2 хвіліны - але штодзень і да перамогі!