Навукоўцы выявілі сувязь паміж даўжынёй пальцаў і прыбыткам чалавека
14- 14.07.2020, 10:30
- 24,135
У экспэрыменце ўзялі ўдзел 15 тысяч мужчын і жанчын.
Навукоўцы з Вялікабрытаніі падчас новага даследавання выявілі залежнасць даходаў чалавека ад даўжыні пальцаў. У Вялікабрытаніі правялі экспэрымент з удзелам 15 тысяч чалавек. Падчас даследавання навукоўцы даведваліся ў падыспытных падрабязнасці жыцця, інфармацыю аб матэрыяльным становішчы і вымяралі даўжыню іх канечнасцяў. У выніку экспэрты выявілі нейкую заканамернасць, піша lenta.ua.
Як правіла, жанчыны, у якіх указальны палец карацейшы за персцянец, маюць большы прыбытак. У мужчын жа выяўленая зваротная залежнасць. Навукоўцы звязваюць гэта з узроўнем тэстастэрону. Пры вялікай колькасці мужчынскага палавога гармону ў чалавека вырастаюць больш вялікія канечнасці, уключаючы і пальцы. Адваротны выпадак сведчыць пра нізкі ўзровень тэстастэрону.
Па гэтым паказчыку выяўляюць не толькі схільнасць да назапашвання багацця, але і схільнасць да аднаполых сэксуальных сувязях. Розніца ў даўжыні указальнага пальца і персцянца у жанчын сведчыць пра магчымую цягу да рамантычных стасункаў з дзяўчатамі. У мужчын такой залежнасці не выявілі. Акрамя таго, людзі з указальным пальцам даўжэйшым за персцянец не дасягаюць поспехаў у спорце, але добра спраўляюцца з заданнямі на вербальную памяць.