Пацыентам з дадатным тэстам на COVID-19 не будуць выдаваць лісток непрацаздольнасці

Таксама не будуць паведамляць аб наяўнасці хваробы ў тэрытарыяльны цэнтр гігіены і эпідэміялогіі.

Пацыентам з дадатным тэстам на COVID-19 не будуць выдаваць лсіток непрацаздольнасці. Такое распараджэнне выйшла на загадз Міністэрства аховы здароўя Беларусі, піша Tеlegram-канал «Нехта».

Зыходзячы з дакумента галоўнай управы Гарадзенскага аблвыканкама, людзям, якія за ўласныя грошы здаюць аналіз на антыцелы, у выпадку дадатнага тэсту, не будуць выдаваць лісткі часовай непрацаздольнасці, а таксама не будуць паведамляць аб наяўнасці хваробы ў тэрытарыяльны цэнтр гігіены і эпідэміялогіі.

Гэта тычыцца менавіта тых пацыентаў, якія не маюць ніякіх клінічных сімптомаў захворвання і не з'яўляюцца кантактамі першага ўзроўню.

Прасцей кажучы, за нашы ж грошы будуць маляваць прыгожую статыстыку аб адсутнасці каранавіруса ў краіне.