У Слоніме прадаюць сінагогу 1642 года
9- 6.06.2020, 18:32
- 50,415
Сінагогу планавалі аднавіць з 1990-х гадоў, але справа так і не зрушылася з месца.
Аддзел культуры Слонімскага райвыканкама выставіў на продаж сінагогу, паведамляе «Рыдыё Рацыя». Будынак 1642 года пабудовы выкананы ў стылі барока.
Сінагогу ў Слоніме планавалі аднавіць з 1990-х гадоў. Быў нават план будаўніцтва рэспубліканскага музея габрэйскага мастацтва ў Беларусі ў сінагозе, які рэалізаваць не атрымалася.
Дагэтуль пытанне захавання самага старога помніка ў Слоніме, уключанага ў Дзяржаўны спіс гісторыка-культурных каштоўнасцяў Рэспублікі Беларусь, застаецца нявырашаным. І цяпер ён прадаецца.