З'явілася мапа руху спадарожнікаў Starlink у рэальным часе

Спадарожнікавы інтэрнэт Маска працуе ў тэставым рэжыме.

У сетцы з'явілася мапа, што абнаўляецца, праекта Starlink, на якой можна ўбачыць рух спадарожнікаў і тэрыторыю, якая пакрываецца імі. Мапа, створаная распрацоўшчыкам Грэгам Марэнцам, даступная на партале droid.cafe.

На ёй можна рэгуляваць кут агляду і іншыя параметры. Калі адключыць параметр «Real World Time» і павялічыць хуткасць руху спадарожнікаў, то можна даведацца, дзе яны будуць пралятаць у будучыні, піша liga.net.

Мяркуючы па бягучым размяшчэнні спадарожнікаў, праект Starlink ахоплівае немалую частку планеты. Большасць выведзеных на арбіту спадарожнікаў размешчаная паміж 50 градусамі паўночных і паўднёвых шырот, а іх даступнасць змяняецца па меры іх руху па арбіце з часам.

Starlink - праект сістэмы калязямных спадарожнікаў SpaceX для таннага і хуткаснага інтэрнэту. Плануецца вывесці да 42 000 апаратаў. SpaceX ацэньвае выдаткі на праект не менш чым у $10 млрд. Першыя паслугі плануецца пачаць падаваць восенню 2020 года ЗША і Канадзе. Прыватная бэта-версія для абмежаванай колькасці кліентаў і супрацоўнікаў стартуе ў канцы лета.