Знойдзены незвычайны першасны сімптом каранавірусу
3- 20.06.2020, 12:20
- 62,520
На яго звярнулі ўвагу спецыялісты з Канады.
Канадскія навукоўцы выказалі здагадку, што адным з першых сімптомаў заражэння каранавірусам можа быць запаленне слізістай абалонкі вока, паведамляе ria.ru.
Кан'юктывіт – гэта запаленне тонкай празрыстай тканкі, якая пакрывае вочы і заднюю паверхню павека. Яно адбываецца праз траплянне ў вока бруду, бактэрый або вірусаў.
У працы, апублікаванай у часопісе Канадскага афтальмалагічнага таварыства, даследнікі апісалі выпадак 29-гадовай пацыенткі. У сакавіку яна паступіла ў лякарню з пачырваненнем вачэй. Лекары дыягнаставалі кан'юктывіт, аднак лекаванне не давала вынікаў.
Пазней медыкі высветлілі, што жанчына нядаўна вярнулася з падарожжа па Азіі. Тэст на каранавірус быў станоўчы.
"У яе не было кашлю і гарачкі, таму мы не маглі з самага пачатку западозрыць каранавірус. Мы не ведалі, што інфекцыя можа ўпершыню выявіцца праз вочы, а не ў лёгкіх", – адзначыў дацэнт кафедры афтальмалогіі Універсітэта Альберта Карлас Салартэ.
Паведамляецца, што пацыентка перанесла хваробу без ускладненняў.