Сярэднерыначны кошт рэзка апусціўся ніжэй за $10 000
2- 2.06.2020, 19:21
- 20,431
На некаторых гандлёвых пляцоўках кошт актыву зніжаўся да $9400, на іншых - да $9100 і да $8600.
Увечары 2 ліпеня сярэднерыначны курс біткойна рэзка апусціўся ніжэй за адзнаку ў $10 000, да $9400. Цяпер, паводле звестак Coinmarketcap, кошт манеты складае $9610. Аднак на некаторых пляцоўках ён падаў моцна ніжэй, паведамляе РБК.
Напрыклад, на крыптадэрыватыўнай біржы BitMEX кошт біткойна зніжаўся да $8600, пасля чаго імгненна вярнуўся да ўзроўню ў $9500, блізу якога гандлюецца на гэты момант. Гэта магло адбыцца праз імгненную ліквідацыю вялікай колькасці доўгіх пазіцый трэйдараў.
Некалькі «прастрэлаў» таксама адбылося на біржы Binance. На ёй курс біткойна ў пары да USDC падаў да $9150. На платформе Binance Futures цана токена XRP у адносінах да USDT на імгненне апускалася да $0,153.
На гэты момант невядома, што магло паслужыць прычынай рэзкага зніжэння курсу першай крыптавалюты. Аднак раней мільярдэр і кіраўнік Galaxy Digital Майк Новаграц спрагназаваў, што курс біткойна пачне расці хутчэй, як толькі пераадолее ўзровень у $10 000. У той жа час аналітык Яшу Гола выказаў здагадку, што кошт манеты можа дасягнуць адзнакі ў $11 000 на працягу некалькіх тыдняў.