У сераду ў Беларусі чакаецца да +19 градусаў

На большай частцы тэрыторыі краіны пройдуць дажджы.

У сераду, 3 чэрвеня, у Беларусі чакаецца воблачнае з прасвятленнямі надвор'е, паведамляе Белгідрамет.

На большай частцы тэрыторыі краіны пройдуць дажджы, удзень у асобных раёнах прагрымяць навальніцы. Уначы і ўранку месцамі прагназуецца слабы туман. Вецер будзе пераменных кірункаў сярэдні, месцамі парывісты.

Уначы тэрмометры пакажуць +3...+9, удзень тэмпература павысіцца да 13-19 цяпла.