Што зменіцца ў Беларусі з 1 чэрвеня

Якія змены, якія паўплываюць на таўшчыню гаманцоў, чакаюць беларусаў у наступным месяцы.

З 1 чэрвеня вырастуць ільготныя тарыфы на ацяпленне і падагрэў вады, некаторыя тарыфы на электраэнэргію, прыродны і звадкаваны газ. Таксама стануць даражэйшымі некаторыя маркі цыгарэт, а чыноўнікі абновяць базу дармаедаў. З наступнага месяца знізяцца стаўкі ў некаторых крэдытах на жыллё і аўтамабілі. Tut.by паглядзеў, якія змены, што паўплываюць на таўшчыню партманэтаў, чакаюць беларусаў у чэрвені.

Падаражэюць гарачая вада, ацяпленне, электрычнасць і прыродны газ

З 1 чэрвеня падвысяць субсідаваныя тарыфы на цеплазабеспячэнне, ацяпленне і падагрэў вады. Яны павялічацца з 18,4831 да 20,6216 рубля за 1 Гкал. Эканамічна абгрунтаваны тарыф на гэтыя паслугі павысілі з 1 студзеня 2020 года - з 88,99 рубля да 92,25 рубля за 1 Гкал. Чэрвеньскае падаражанне паслуг цеплазабеспячэння прадугледжанае планавым падвышэннем тарыфаў на жыллёва-камунальныя паслугі ў межах 5 даляраў.

Да прыкладу, за гарачую ваду (за 0,4198 Гкал) да 1 чэрвеня ў менскай аднапакаёвай кватэры, у якой прапісаны адзін чалавек, да 1 чэрвеня атрымаецца 7,76 рубля, а пасля росту тарыфаў - 8,66 рубля за той жа спажыты аб'ём.

З 1 чэрвеня таксама вырастуць некаторыя тарыфы на электраэнэргію - для тых, хто абагравае жыллё электрычнасцю, — як прыватныя дамы, так і жыллё ў шматкватэрных жылых дамах. Беларусы, якія хочуць абаграваць жыллё электрычнасцю, могуць выбраць адзін з трох тарыфаў: аднаставачны, дыферэнцыяваны па двух часовых перыядах, а таксама тарыф, пад які трэба ўсталяваць дадатковы спецыяльны лічыльнік. Да прыкладу, аднаставачны тарыф, які дзейнічае як на абаграванне, так і на ўсе астатнія патрэбы, з 1 чэрвеня падымуць з 0,0809 да 0,0834 рубля за 1 кВт∙гадзіну (ён будзе дзейнічаць да канца гэтага года). Да прыкладу, калі расходаваць 350 кВт∙гадзіну на месяц, то да падаражання да аплаты была сума 28,32 рубля, а пасля — 29,19 рубля.

Для насельніцтва з чэрвеня таксама вырастуць тарыфы на прыродны і звадкаваны газ. Многія з іх пачнуць ужываць з пачатку ацяпляльнага сезона. Да гэтага за спажыты газ трэба будзе плаціць паводле спецыяльных «гадовых» тарыфаў — некаторыя з іх падвысяць з 1 чэрвеня, а іншыя — не.

З 5 чэрвеня дазволілі здымаць гатоўку з картак у крамах

У некаторых населеных пунктах з 5 чэрвеня ў касах сельскіх крамаў і арганізацый, якія надаюць паслугі, можна будзе здымаць з картак гатоўку. Ва ўсёй краіне гэта можна будзе зрабіць, як плануецца, з 1 студзеня 2022 года. Сума не можа перавышаць 135 рублёў (да 5 базавых адзінак).

Але ёсць некалькі нюансаў. Да прыкладу, выдаваць грошы з касаў крам і арганізацый гандлю будуць пры ўмове дастатковых сродкаў на картцы і ў касе. Пры гэтым выдаваць грошы - не абавязак, а права арганізацый.

Раней паведамлялася, што зняць грошы праз касу можна будзе пры ўмове, што на гэтую суму былі здзейсненыя безнаяўныя пакупкі ці аформленыя паслугі. Цяперашняй пастановай гэтае пытанне не ўрэгуляванае, ён будзе разглядацца, як плануецца, найбліжэйшым часам.

Паспець заплаціць падаходны падатак

Беларусам да 1 чэрвеня ўключна трэба выплаціць падаходны падатак за атрыманыя ў 2019 годзе даходы. Тым, хто «забудзе» ці спозніцца з выплатай, пагражае штраф. Так, калі нявыплачаная або няпоўнасцю выплачаная сума падатку перавышае адну базавую адзінку, то штраф складзе 15% ад нявыплачанай сумы падатку (але не менш 0,5 базавай адзінкі — 13,5 рубля).

Патаннеюць некаторыя крэдыты на жыллё і аўтамабілі

З 1 чэрвеня павінны змяніцца стаўкі некаторых крэдытаў. Нацбанк на чэрвень перагледзеў такі паказчык, як разліковая велічыня стандартнай рызыкі (РВСР). Груба кажучы, гэта адсоткавая столь па ўкладах і пазыках, якой прытрымліваюцца банкі. Для ўкладаў гэты паказчык знізілі для фізічных асоб з 14,09% да 13,61%.

Да РВСР у многіх банках прывязаныя адсоткавыя стаўкі ў крэдытах на нерухомасць і на аўтамабілі на агульных умовах. З 1 траўня стаўкі ў большасці выпадкаў - 14,09%.

Аднак трэба ўлічваць, што некаторыя банкі прыпынілі выдачу крэдытаў, у тым ліку на нерухомасць і аўтамабілі.

Падаражэюць цыгарэты, некаторыя адразу на 25 капеек

З 1 чэрвеня вырастуць кошты некаторых цыгарэт, у продажы з'явяцца таксама новыя маркі цыгарэт. Кошт асобных марак падымуць усе вытворцы і імпарцёры, некаторыя пазіцыі падаражэюць адразу на 25 капеек.

З поўным пералікам можна азнаёміцца на сайце МПЗ.

Улады абновяць базу дармаедаў

Цяпер улады актуалізуюць базу звестак працаздольных грамадзян, не занятых у эканоміцы. Праз гэта да 1 чэрвеня на Адзіным партале электронных паслуг недаступная паслуга ў падачы звестак аб аднясенні працаздольнага грамадзяніна да не занятых у эканоміцы. З 1 снежня 2018 года беларусы могуць онлайн праверыць, ці не ўключылі іх у базу не занятага ў эканоміцы насельніцтва. Нагадаем, са студзеня мінулага года ўтрыманцы паводле поўных тарыфаў аплачваюць гарачае водазабеспячэнне.

Першыя спісы не занятых у эканоміцы сфармавалі да 1 лютага 2019 года. Пасля гэтага іх штоквартальна абнаўляюць. Дакументы, якія пацвярджаюць працу або навучанне за мяжой, трэба падаць у камісію каардынацыі работы ў садзейнічанні занятасці да 21 кастрычніка, 21 студзеня, 21 красавіка і 21 ліпеня адпаведна.

Урад увёў змены наконт дапамог сем'ям загінулых вайскоўцаў

З 1 чэрвеня ўрад уводзіць змены ў Прызначэнне і выплату штомесячнай дапамогі сем'ям загінулых вайскоўцаў. Змены дазволяць падоўжыць тэрмін звароту па прызначэнне дапамогі сямейнікам загінулых пры выкананні службовых абавязкаў вайскоўцаў, асоб начальніцкага і шараговага складу ў выпадку працяглага правядзення следчых дзеянняў і судовых разглядаў. Цяпер тэрмін выплаты дапамогі за мінулы час не перавышаў аднаго года з дня звароту па яго.

Гэта значыць, 1 чэрвеня ў гэтыя 12 месяцаў не будуць уключаць перыяды правядзення праверкі( службовага расследавання), дазнання, папярэдняга следства і (або) судовага разбору аб факце гібелі.